बैंकिङ खबर/ नेपालीहरुले ९२.३८ प्रतिशत उपभोगमा खर्च गर्दै आएका छन्। चालू आर्थिक वर्ष २०८०/८१ मा ९२.३८ प्रतिशत अन्तिम उपभोग खर्च हुने प्रारम्भिक अनुमान गरिएको हो।
गत आर्थिक वर्ष २०७९/८० माको ९२.५९ प्रतिशत अन्तिम उपभोग खर्च हुने संशोधित अनुमान गरिएको थियो। आर्थिक वर्ष २०७८/७९ को अन्तिम तथ्याङ्कअनुसार उक्त वर्षमा ९३.४२ प्रतिशत अन्तिम उपभोग खर्च भएको थियो।
अन्तिम उपभोग खर्चमा खानपानमा सबैभन्दा बढी खर्च हुने गरेको छ। कुल गार्हस्थ्य उत्पादनको ४४ प्रतिशत निजी खानपान र ३० प्रतिशत खर्च निजी सेवामा हुने गरेको छ। १७ प्रतिशत खानपानबाहेकको निजी खर्चमा हुने गरेको छ।
