बैंकिङ खबर/नेपाल राष्ट्र बैंकले नारायणी डेभलपमेन्ट बैंकलाई गत आर्थिक वर्ष २०७९–८०मा मात्रै आठ पटक कारबाही गरेको छ । उक्त आर्थिक वर्षको चौथो त्रैमासमा पनि यो बैंकमाथि राष्ट्र बैंकले ५ पटक कारबाही गर्दै नगद गरिवाना गरेको थियो ।
राष्ट्र बैंकको वित्तीय संस्था सुपरिवेक्षण विभागबाट गैरस्थलगत सुपरिवेक्षणका आधारमा नारायणी डेभलपमेन्ट बैंकलाई चौथो त्रैमासमा अनिवार्य नगद मौज्दात अनुपात कायम नगरेकोमा ५ पटक कारबाही गरी १ लाख ६४ हजार २४.४५ रुपैयाँ नगद जरिवाना गरिएको छ।
यसअघि उक्त आर्थिक वर्षको तेस्रो त्रैमाससम्म नारायणी डेभलपमेन्ट बैंकलाई नियम मिचेकोमा राष्ट्र बैंकले ३ पटक कारबाही गरिसकेको थियो।
