नेपाल राष्ट्र बैंकले सवा चार अर्ब रुपैयाँको ट्रेजरी बिल विक्रि गरेको छ । सरकारका लागि आन्तरिक ऋण जुटाउन सोमबार राष्ट्र बैंकअन्तर्गत राष्ट्र ऋण व्यवस्थापन विभागले चार अर्ब २५ करोड रुपैयाँ बराबरको ट्रेजरी बिल विक्रि गरेको हो ।
९१ दिने अवधिको तीन अर्ब ८५ करोड रुपैयाँको र ३६४ दिने अवधिको ४० करोड रुपैयाँ बराबरको ट्रेजरी बिल विक्रि गरिएको राष्ट्र बैंकले जनाएको छ । ९१ दिने अवधिको ट्रेजरी बिल आगामी माघ २५ गते परिपक्व हुनेछ भने ३६४ दिने अवधिको ट्रेजरी बिल ०७४ कात्तिक २१ गते परिपक्व हुनेछ ।
