बैंकिङ खबर/ नेपाल बीमा प्राधिकरणले दुई लघु बीमा कम्पनीलाई लाइसेन्स वितरण गर्ने निर्णय गरेको छ । प्राधिकरण सञ्चालक समितिको बैठकले दुई लघुबीमा कम्पनीलाई लाइसेन्स दिने निर्णय गरेको प्राधिकरणका अध्यक्ष सूर्यप्रसाद सिलवालले बताए ।
सैद्धान्तिक सहमति पाएका गार्डियन माइक्रो लाइफ इन्स्योरेन्स र नेपाल माइक्रो इन्स्योरेन्सलाई लाइसेन्स वितरण गर्ने निर्णय गरेको भएको उनले बताए ।
लघुबीमा कम्पनी सञ्चालनको सैद्धान्तिक सहमति पाएका सात कम्पनी मध्ये २ कम्पनीले मात्रै लाइसेन्स पाएका हुन् । यस्तै प्राधिकरणले सोमबार पनि थप दुई कम्पनीलाई लाइसेन्स वितरण गर्ने निर्णय भएको प्राधिकरणले जनाएको छ ।
