बैंकिङ खबर / बैंकिङ खबरको समाचार संयोजकमा निश्चल अधिकारी नियुक्त भएका छन् । विगत पाँच वर्षदेखि सञ्चालन हुँदै आएको वित्तीय साक्षरता अभिवृद्धि एवं बैंकिङ सूचना, ज्ञानवर्धक बैंक तथा वित्तीय क्षेत्रको न्युज पोर्टल बैंकिङ खबरले अधिकारीलाई समाचार संयोजकका रूपमा नियुक्त गरेको हो । अधिकारीसँग भाषासम्पादनको लामो अनुभव छ । यसअघि नयाँ पत्रिका दैनिकमा कार्यरत अधिकारीको अन्य सञ्चार माध्यममा रहेर समेत लामो समय काम गरेको अनुभव छ ।
अधिकारीलाई बैंकिङ खबरका फाउन्डर तथा प्रधान सम्पादक माधव निर्दोषले एक कार्यक्रमका बीच स्वागत गरे । कार्यक्रममा बैंकिङ खबरका फाउन्डर तथा प्रधान सम्पादक माधव निर्दोषले अधिकारीको नियुक्तिले बैंकिङ खबरको उचाइ थप मजबुत हुने अपेक्षा गरिएको बताए । त्यसैगरी, नवनियुक्त समाचार संयोजक अधिकारीले बैंकिङ खबरको कार्यभार सम्हाल्दै बैंकवित्तको सूचना सम्प्रेषणमा बैंकिङ खबरलाई अझ जिम्मेवार र प्रभावकारी बनाउने एवं यथेष्ट सूचना सम्प्रेषण गर्ने प्रण गरे ।
