बैंकिङ खबर । पाल्पा जिल्लाको बगनासकाली गाउँपालिकाले कोभिड माहामारीका कारण स्वदेश तथा विदेशबाट रोजगारी गुमाई गाउँ फर्किएर कृषि पशु फर्म सञ्चालन गर्न चाहेका युवाका लागि बिना धितो ऋण दिने भएको छ । गाउँपालिकाले बिना धितो युवालाई १० लाख रुपियाँसम्म ऋण दिने भएको हो । युवा, दलित, महिला तथा विपन्न वर्गलाई लक्षित गरी युवा स्वरोजगार कार्यक्रममार्फत बिना धितो सहुलियत दरको ऋण प्रदान गर्न लागिएको गाउँपालिकाले जनाएको छ ।
यस्तै, समयमै बैंकको किस्ता बुझाउने व्यक्तिलाई पालिकाले प्रोत्साहन स्वरुप व्याज समेत तिरिदिने पालिकाकाले जनाएको छ ।
