बैंकिङ खबर । नेपाल सरकारको २०७७/७८ को १४७४.६४ अर्ब बजेट मध्ये सरकारले आन्तरीक ऋण उठाउन राखेको लक्ष्यमा पहिलो चौमासमा ५७ अर्ब उठाउन लागेको छ । जसमध्ये ट्रेजरी बिल मार्फत ३६४ दिनको लागि ७ अर्ब र बिकास ऋणपत्र मार्फत ५० अर्ब आन्तरीक ऋण उठाउन लागेको हो । जसमा २० अर्ब असोज १६ गते ४.७७ प्रतिशतमा उठाएको थियो । १० अर्ब भने आज बोलकबोल गरेर भोलि उठाइनेछ र बाँकी २० अर्ब कात्तिक २० गते उठाउने लक्ष्य राखिएको छ । आजको दिनसम्म बजारमा तरलता करीब १४६ अर्ब देखिएको छ । आन्तरीक ऋण उठाएपछि भने १० अर्बले तरलता घट्ने देखिन्छ ।
