बैंकिङ खबर । प्रभु लाइफ इन्सुरेन्सको तेस्रो त्रैमास वित्तीय विवरणअनुसार कम्पनीले १५ करोड २२ लाख ९३ हजार रुपैयाँ नाफा कमाएको छ । गत वर्ष यसले १४ करोड रुपैयाँ नाफा कमाएको थियो । यस्तै, कम्पनीको खुद बीमाशुल्कमा वृद्धि भएको देखिएको छ । गत आर्थिक वर्षको तेस्रो त्रैमासमा २४ करोड ८४ लाख खुद बीमाशुल्क आर्जन गरेको कम्पनीले चालु आर्थिक वर्षको तेस्रो त्रैमासमा ५० करोड ४८ लाख रुपैयाँ खुद बीमाशुल्क आर्जन गरेको छ । कम्पनीको प्रतिसेयर आम्दानी १५ रुपैयाँ र प्रतिशेयर नेटवर्थ १ सय ९७ रुपैयाँ रहेको छ ।