प्रभु इन्स्योरेन्सको २४ औँ बार्षिक साधारण सभा सम्पन्न, १६.३२ प्रतिशत लाभांश पारित

बैंकिङ खबर । प्रभु इन्स्योरेन्स को २४ औँ वार्षिक साधारण सभा माघ २४ गते शुक्रबार सम्पन्न भएको छ । तीनकुने काठमाण्डौस्थित कम्पनीको कार्यालय “प्रभु कम्प्लेक्स” मा सम्पन्न भएको वार्षिक साधारण सभाले आर्थिक वर्ष २०७५/०७६ को आर्थिक प्रतिवेदन पारित गर्नुकासाथै कम्पनीले प्रस्ताव गरेको ५ प्रतिशत बोनश शेयर तथा कर सहित ११.३२ प्रतिशत नगद लाभांश गरि जम्मा १६.३२ प्रतिशत लाभांश साधारण सभाबाट स्वीकृत भएको छ ।

साधारण सभामा कम्पनीको सञ्चालक समितिको तर्फबाट वार्षिक प्रतिवेदन प्रस्तुत गर्नुहुंदै कम्पनीका अध्यक्ष कुसुम लामाले बीमा क्षेत्रमा रहेको तीव्र प्रतिस्पर्धाका बीच कम्पनीले पूँजी बृद्धि, खर्च र व्यवसाय विस्तारलाई समुचित व्यवस्थापन गरी दिगो तथा सुरक्षित र दीर्घकालीन लक्ष्य प्राप्तिका लागि अगाडि बढिरहेको बताउँदै आफ्ना ग्राहकवर्गलाई आवश्यक सेवाहरु छिटो छरितो ढंंगले प्रदान गर्दै सरकार तथा नियमनकारी निकायले लिएको निति अनुरुप बीमा क्षेत्रमा टेवा पु¥याउन प्रतिवद्ध रहेको बताउँनुभयो ।

कम्पनीले आधुनिक बीमा सेवाका सबै प्रविधिहरु प्रयोग गरी प्रविधिमा आधारित बीमा सेवा स्थापित गर्ने उद्देश्यका साथ अगाडि बढिरहेको बताउँदै जोखिम ब्यवस्थापन, कर्मचारी ब्यवस्थापन, तथा आन्तरिक नियन्त्रण प्रणालीलाई सबल बनाउनुका साथै प्रभावकारी सेवा सुविधाहरु दिने तर्फ जोड दिइएको बताउनुभयो ।

वार्षिक साधारण सभामा शेयरधनीहरुले आफ्नो मन्तव्य राख्दै कम्पनीले पूँजी बृद्धिको अनुपातमा १६.३२ प्रतिशत लाभांश बितरण गर्नसक्नु गौरवको कुरा रहेको बताउँदै कम्पनीको प्रगती अत्यन्त सन्तोषजनक रहेको र आगामि दिनमा अझ राम्रो गर्दै जान सुझाव तथा सफलताको शुभकामना व्यक्त गर्नुभयो ।

बोनश शेयर बितरण पश्चात कम्पनीको चुक्ता पूजी रु. १ अर्व ५ करोड ६२ लाख ७५ हजार पुगेको छ । साथै कम्पनीले केन्द्रिय कार्यालय सहित ५६ भन्दा बढी शाखा, उपशाखा तथा सेवा केन्द्रहरुबाट सेवा प्रदान गरिरहेको छ ।