Banking Khabar
ट्रेन्डिङ: वित्तीय अपराध जेन्जी पुस्ता अन्तर्राष्ट्रिय बैंकिङ भारतीय बैंकिङ हाइलाइट राष्ट्र बंक बैंक-वित्त इन्स्योरेन्स
लघुवित्त

मिर्मिरे लघुवित्तका नव नियुक्त अध्यक्षद्धारा सपथ ग्रहण

२०७६ माघ ७ गते


बैंकिङ खबर । मिर्मिरे लघुवित्त वित्तीय संस्थाका नव नियुक्त अध्यक्ष टेक बहादुर बोहराले सपथ ग्रहण गर्नुभएको छ । अध्यक्ष बोहराले बिहीबार नेपाल राष्ट्र बैंकको केन्द्रीय कार्यालय बालुवाटारमा आयोजित एक समारोहका बीच का.मु कार्यकारी निर्देशक किरण पण्डीतबाट आफ्नो पद तथा गोपनियताको सपथ लिनुभएको हो ।
संस्थाको नवौं बार्षिक साधारण सभाबाट संचालकमा निर्विरोध निर्वाचित भई संचालक समितिको बैठकले बोहरालाई अध्यक्ष पदमा पुनःनियुक्त गरेको थियो । सपथ ग्रहण कार्यक्रम पछि नव नियुक्त अध्यक्ष बोहराले सपथ ग्रहण गराएकोमा समारोहका अध्यक्ष तथा नेपाल राष्ट्र बैंकका का.मु कार्यकारी निर्देशकलाई धन्यवाद दिनुभएको थियो ।
कार्यक्रममा नव नियुक्त संञ्चालक समितिका सदस्य सन्तोष फूयाल, स्वयम्भू श्रेष्ठ, सन्जु घिमिरे तथा कम्पनी सचिव तुलसीराम पाठकको उपस्थिति रहेको थियो भने नेपाल राष्ट्र बैंकको तर्फबाट उप निर्देशक विरेन्द्र दत्त अवस्थी लगायत अन्य कर्मचारीहरुको उपस्थिति रहेको थियो ।

Ad