बैंकिङ खबर । देशको राम्रो विकास बैंकहरुको सूचीमा पर्न सफल मुक्तिनाथ विकास बैंकको अध्यक्षमा भरतराज ढकाल सर्वसम्मत चयन भएका छन् । ढकालकै सक्रियतामा मुक्तिनाथ विकास बैंकको स्थापनामा भएको थियो ।
सोही बैंकमा लामो समय काम गरेका सीइओ भरतराज ढकाललाई बैंकको सोमबार पोखरामा भएको १३ वार्षिक साधारण सभाले संचालकको रुपमा चयन गरेको छ ।ढकालको कार्यकाल ४ वर्षको रहनेछ ।
हाल सञ्चालक समितिमा संस्थापक कार्यकारी प्रमुख लगायत ५ जनाको सञ्चालक समितिका सदस्यहरु सर्वसम्मत चयन गरेको छ । नयाँ सञ्चालक समितिमा भरतराज ढकाल, गजेन्द्र मान श्रेष्ठ, रविन्द्र मान श्रेष्ठ, निर्मला कुमारी के.सी. (कार्की) र शालिग्राम मिश्रको चयन भएको हो ।
