बैंकिङ खबर । बैंकका सहायक कम्पनीलाई ब्रोकर लाइसेन्स दिने प्रक्रिया स्थगित भएको छ । नेपाल स्टक एक्सचेन्ज (नेप्से)ले तत्कालका लागि बैंकलाई ब्रोकर लाइसेन्स दिने कम स्थगत गरिएको जनाएको छ । संघीय संसद अन्तर्गतको अर्थ समितिले साउन ३० गते नेप्सेलाई दिएको निर्देशन अनुसार बैंकका सहायक कम्पनीलाई ब्रोकर लाईसेन्स दिने काम तत्कालको लागि बन्द गरिएको हो ।
नेप्सेलाई धितोपत्र बोर्डले साउन १७ गते वाणिज्य बैंकहरुलाई सहायक कम्पनीलाई ब्रोकर लाइसेन्स दिनका लागि निर्देशन दिएको थियो । नेप्सेले बोर्डको निर्देशन अनुसार काम सुरु गरिसकेको यिो । यद्यपि, अर्थसमितिले यस विषयमा अथ अनुसन्धान गर्ने र इन्साइडर हुने खतरा रहेको भन्दै बैंकलाई ब्रोकर लाइसेन्स दिने प्रक्रिया अघि नबढाउन निर्देशन दिएको थियो ।
बैंकलाई ब्रोकर लाइसेन्स दिने प्रक्रिया व्यवस्थित ढंगले अघि बढाउनका लागि सांसद रामकुमारी झाँक्रीको संयोजकत्वमा अर्थसमितिले उपसमिति गठन गरेको छ । उक्त उपसमितिले दुई महिनाभित्र प्रतिवेदन अर्थ समितिमा पठाउनेछ । त्यसपछि मात्रै बैंकलाई ब्रोकर लाइसेन्स दिने प्रक्रियाले निरन्तरता पाउनेछ ।
