बैंकिङ खबर । प्रुडेन्सियल इन्स्योरेन्स कम्पनी लिमिटेडले चुक्तापुँजीको ६० प्रतिशत हकप्रद सेयर निष्काशन गर्ने भएको छ । कम्पनीको मंगलबार सम्पन्न विशेष साधारणसभाले कम्पनीको संचालक समितिले प्रस्ताव गरे बमोजिम हकप्रद सेयर निष्काशन गर्ने प्रस्ताव सर्वसम्मतिबाट पारित गरेको छ ।
हाल कम्पनीको चुक्तापुँजी ६४ करोड १५ लाख २० हजार रुपैयाँ रहेको छ । हकप्रद सेयर निष्काशनपछि कम्पनीको चुक्ता पूँजी एक अर्ब दुई करोड ६४ लाख ३२ हजार रुपैयाँ पग्नेछ ।
