बैंकिङ खबर । एनएलजी इन्स्योरेन्सले जेठ १४ गते विशेष साधारण सभा गर्ने भएको छ । इन्स्योरेन्सले चुक्ता पूँजी वृद्धिका लागि विशेष साधारण सभा डाकेको हो।
साधारणसभामा इन्स्योरेन्सले चुक्ता पूँजीको ६० प्रतिशत हकप्रद निष्कासन गर्ने प्रस्ताव लैजान लागेको हो । कम्पनीले साधरणसभाका लागि जेठ ६ गते शेयरधनी पुस्तिका बन्द गर्ने समेत जनाएको छ । जेठ पाँच गतेसम्म दोस्रो बजारमा शेयर खरिद गर्ने लगानीकर्ताले साधारणसभामा भाग लिन पाउने छन् ।
हाल इन्स्योरेन्सको चुक्ता पूँजी ६४ करोड ४ लाख ६ हजार २ सय ५० रुपैयाँ छ। हकप्रद निष्कासनपछि कम्पनीको चुक्ता पुँजी १ अर्ब २ करोड ४६ लाख ५० हजार रुपैयाँ पुग्ने बताइएको छ। बिमा समितिको निर्देशन अनुसार निर्जीवन बीमा कम्पनीको चुक्ता पूँजी १ अर्ब हुनु पर्ने छ ।
