पूँजी पुर्याउन हकप्रद र बोनस दिँदै गुराँस लाइफ इन्स्योरेन्स

बैंकिङ खबर।  गुँरास लाइफ इन्स्योरेन्सले हकप्रद शेयर निष्काशन तथा आर्थिक बर्ष २०७३र०७४ को मुनाफाबाट प्रस्तावित बोनस शेयर पारित गर्नको लागि साधारण सभा बोलाएको छ । इन्स्योरेन्सको फागुन २४ गते बसेको सञ्चलक समितिको बैंठकले चैत २१ गते ९ औं वार्षिक साधारण सभा गर्ने निर्णय गरेको छ ।

यसअघि नै नेपाल धितोपत्र बोर्डबाट ५० प्रतिशत हकप्रद शेयर निष्काशन गर्ने अनुमति पाएपनि निष्काशन गर्न नसकेको गुराँस लाइफ इन्स्योरेन्सले पुनः सञ्चालक समितिमा हकप्रद निष्काशन गर्ने प्रस्ताव लैजाने भएको हो । त्यस्तै इन्स्योरेन्सले हाल कायम रहेको चुक्ता पूँजी ५९ करोड ४० लाख रुपैयाँको ८ प्रतिशत बोनस शेयर दिने प्रस्ताव गरेको छ ।

कम्पनीले आर्थिक वर्ष २०७३/७४ को नाफाबाट बोनस शेयर दिने प्रस्ताव गरेको हो । इन्स्योरेन्सले बोनस वितरण तथा हकप्रद निष्काशनको लागि चैत ६ गते बुक क्लोज गर्दै छ ।

जीवन बीमा कम्पनीहरुलाई बीमा समितिले २ अर्ब रुपैयाँ चुक्ता पूँजी पुर्याउन निर्देशन दिएपछि इन्स्योरेनसले हकप्रद र बोनस मार्फत पूँजी पुर्याउन लागेको हो ।

Leave a Reply

Your email address will not be published. Required fields are marked *