बैंकिङ खबर। स्पर्श लघुवित्तको सर्वसाधारणको लागि साधारण शेयर (आइपिओ) निष्काशन आजदेखि सुरु भएको छ । लघुवित्तले २ लाख ६९ हजार कित्ता साधारण शेयर निष्कासन गरेकोमा ४ हजार १४८ कित्ता कर्मचारी वितरण गरि बाँकी दुई लाख ५२ हजार कित्ता सर्वसाधारणको लागि निष्काशन गरेको हो ।
लघुवित्तले निष्कासन गरेको साधारण शेयरमा सर्वसाधारणले न्यूनतम १० कित्ता देखि अधिकतम १३४० कित्तासम्मको लागि आवदेन दिन पाउने छन् । लघुवित्तले साधरण शेयर निष्कासनको लागि यसअघि नै धितोपत्र निष्काशन तथा बिक्री प्रवन्धकमा सानिमा क्यापिटललाई नियूक्त गरिसेको थियो । लघुवित्तले पहिलो चरण्मा फागुन २९ गतेसम्म र पहिलो चरणमा बिक्री नभएमा ढिलोमा चैत २५ गतेसम्म निष्काशन गर्ने स्वीकृति पाएको विक्रि प्रबन्धक सानिमा क्यापीटलले जनाएको छ ।
सर्वसाधारणले लघुवित्तको साधारण शेयरमा नेपाल धितोपत्र बोर्डबाट आस्वा सदस्य प्राप्त सम्पूर्ण बैंक तथा वित्तीय संस्थाका साथै सि आश्वा प्रयोगकर्ताहरुले मेरो शेयर मार्फत आवेदन दिन सक्नेछन् । लघुवित्तले प्राथमिक शेयर निष्काशन गरे सँगै संस्थापक चुक्ता पूँजी ५ करोड ६० लाख रुपैयाँ र सर्वसाधारण तर्फको चुक्ता पूँजी दुई करोड ६९ लाख रुपैयाँ गरि जम्मा चुक्त पूँजी ८ करोड २९ लाख रुपैयाँ पुग्नेछ । २०७४ असार देखि वित्तप्ीय कारोबार सुरु गरेको लघुवित्तले १० जिल्लामा कारोबारको लागि अनुमति पाएको थियो ।
