Banking Khabar
ट्रेन्डिङ: वित्तीय अपराध जेन्जी पुस्ता अन्तर्राष्ट्रिय बैंकिङ भारतीय बैंकिङ हाइलाइट राष्ट्र बंक बैंक-वित्त इन्स्योरेन्स
लघुवित्त

नवलपरासीको ज्यामिरेभारमा निर्धन उत्थान लघुवित्तद्धारा वित्तीय साक्षरता तालिम सम्पन्न

२०७५ फाल्गुन १० गते

बैंकिङ खबर ।  निर्धन उत्थान लघुवित्त वित्तीय संस्थाले संस्थाका आफ्ना ७२ जना ग्राहक सदस्यहरुको सहभागितामा नवलपरासी जिल्लाको ज्यामिरेभारमा “ग्राहक सदस्यहरुको लागि वित्तीय साक्षरता तालिम” सम्पन्न गरेको छ । यस तालिममा प्रशिक्षक संस्थाको क्षेत्रिय कार्यालय भैरहवाका पे्रम प्रसाद सुबेदी रहेका थिए ।

एक परिवारमा एक जना उद्यमी बनाउन संस्थाले पहल गरीरहेको, संस्थाले साढे दुई दशकदेखि निरन्तर लघुवित्त सेवा दिई रहेको यस संस्थाबाट कर्जालिई ब्यवसाय गरी धेरै घरपरिवार आर्थिक समुन्नती तिर अगाडि बढेको समेत संस्थाका कार्यक्रम अधिकृत प्रेम प्रसाद सुबेदीले बताएका थिए । 

तालिममा ग्राहक सदस्यहरुले वित्तीय साक्षरता तालिम एक परिचय, वित्तीय साक्षरताको महत्व, उद्देश्य, वित्तीय लक्ष्य निर्धारण, बचत परिचालन, कर्जा ब्यवस्थापन तथा कर्जा सदुपयोगिता, वित्तीय अनुशासन, सेवा सुविधाको छनौट प्रक्रिया तथा आम्दानी खर्च, जोखिम ब्यवस्थापन, बिमा, विप्रेषण सेवा, बचतको महत्व तथा बैंकको पब्लिक डिपोजिटको बारेमा, बचत कसरी गने, हुण्डी मार्फत बिदेशबाट पैसा पठाएमा हुने समस्याको बारेमा र संस्थाले प्रदान गरी रहेका हालका सेवाहरु श्रब्यदृष्य तथा अन्य माध्यमहरुको बारेमा जानकारी हासिल गरेका थिए । 

हाल संस्थाले १८१ वटा शाखाहरु, १० वटा क्षेत्रीय कार्यालय र केन्द्रीयकार्यालय गरी १ सय ९२ वटा कार्यालयहरुको स्थापना गरी लघुवित्त सेवा पु¥याई रहेको छ । संस्थाले ग्रामीण क्षेत्रमा बसोबास गर्ने शोषित, उत्पिडित, पिछडिएका विपन्न परिवारका महिलाहरुलाई समूहमा आवद्ध गराई विनाधितो लगानी गर्नुका साथै सीपमूलक तालिम, उद्यमशीलता विकास तालिम, सचेतना मूलक कार्यक्रमहरु संचालन गर्दै आएको छ । 

संस्थाले २०७५ पौष मसान्त सम्ममा ३ लाख ३८ हजार २ सय घर परिवारहरुमा सेवा विस्तार गरेको छ । पौष मसान्त सम्ममा लगानीमा रहेको कर्जा१७ अरब ०९ करोड रहेको छ भने ग्राहक सदस्यहरुको ९ अर्ब ६९ करोड बचत परिचालन गरेको छ । 

Ad