बैंकिङ खबर । काठमाडौंको भृकुटीमण्डपमा सुविसु क्यान इन्फोटेक २०१९ माघ १५ गतेबाट सुरु भएको छ । सो मेला माघ २० गतेसम्म रहने छ । उक्त मेलाको अफिसियल सपोर्टको रुपमा रहेको प्रभु इन्स्योरेन्सबाट क्यान मेलामा अवलोकनको लागी आएका अवलोकनकर्ताहरुले सामान खरिद गर्दा १ लाख रुपैयाँ सम्मको निशुल्क बीमा सेवा पाउने भएका छन् ।
मेला अवधिभर अवलोकन गर्न आउने अवलोकनकर्ताले ५ हजार रुपैयाँ वा सो भन्दा माथिको सामान खरिद गर्दा मेलामा नै स्टल संचालन गरिरहेको प्रभु इन्स्योरेन्सको स्टलबाट १ बर्ष सम्मको १ लाख रुपैया बराबरको एउटा मात्र दुर्घटनाको निःशुल्क बीमाको ब्यवस्था प्रभु इन्स्योरेन्सले गरेको छ । इन्स्योरेन्सले दिएको जानकारी अनुसार यो योजना क्यान मेला अवधिभरका लागी मात्र खुल्ला रहने छ ।
