प्रुडेन्सियल इन्स्योरेन्स कम्पनीले सेयरधनीलाई चुक्ता पूँजीको १० प्रतिशत बोनस सेयर दिने भएको छ । साथै, कर प्रयोजनका लागि २ लाख ७८ हजार ७ सय २२ नगद लाभांश समेत दिने भएको छ । कम्पनीको वैशाख २९ मा बसेको सञ्चालक समितिले प्रस्ताव गरेको उक्त लाभांश बीमा समितिबाट पारित भइसकेको छ । कम्पनीको आगामी साधारणसभाले पारित गरेपछि सेयरधनीले उक्त लाभांश पाउने जनाइएको छ ।
कम्पनीको १४ औं वार्षिक साधारणसभाको बैठक आगामी असार २ होटल भिशुवा विरगञ्ज पर्सामा बस्दैछ । कम्पनीको सेयर कारोबार जेठ १८ गतेदेखि असार २ गतेसम्मको लागि बन्द हुने बताइएको छ ।
