गरिमा विकास बैंक लिमिटेडले विहीबार (जेठ २४ गते) प्रदेश नम्बर १ अन्तर्गतका विभिन्न चार स्थानमा नयाँ शाखा विस्तार गरेको छ । बैंकले झापाको विर्तामोड, बुधबारे र बनियानी तथा मोरङ्गको विराटचोक शाखाको उद्घाटन गरेको हो ।
विर्तामोड शाखाको उद्घाटन विर्तामोड नगरपालिकाका मेयर ध्रुव शिवाकोटीले, बुधबारे शाखाको उद्घाटन बुद्धशान्ति गाउँपालिकाका अध्यक्ष रमेश कुमार भुजेलले, बनियानी शाखाको उद्घाटन कचनकवल गाउँपालिकाका अध्यक्ष अन्जार आलम र विराटचोक शाखाको उद्घाटन सुन्दर हरैचा नगरपालिकाका मेयर शिव ढकालले गरे ।
गरिमा विकास बैंकले प्रदेश नं. १ अन्र्तगतका शाखा कार्यालय उद्घाटनको पूर्वसन्ध्यामा २०७५ जेष्ठ २३ गते आर्कषक व्याजदर तथा विभिन्न सुविधासहित गरिमा दम्पति बचत खाता र गरिमा कर्मचारी बचत खाता समेत सञ्चालनमा ल्याएको छ ।
