बैंकिङ खबर । बीमा कम्पनीहरुले आफ्नो कुल बीमा कारोबारमध्ये लघु बीमाको कारोबार कम्तीमा १० प्रतिशत पुर्याउने व्यवस्था गरिने भएको छ । आगामी आर्थिक वर्षको बजेट सार्वजनिक गर्दै अर्थमन्त्री डा. युवराज खतिवडाले दुई वर्षभित्रमा बीमा कम्पनीहरुले आफ्नो कुल बीमा कारोबारमध्ये लघु बीमाको कारोबार कम्तीमा १० प्रतिशत पुर्याउनुपर्ने व्यवस्था गरिने बताएका छन् ।
बजेटमार्फत साना निक्षेपकर्ताको निक्षेपको अनिवार्य बीमा सीमा बढाइएको छ । यस्तो सीमा तीन लाख रुपैयाँ पुर्याइने भएको छ । त्यस्तै, धितोरहित प्रवाह गरिने साना कर्जा सुरक्षण गर्ने रकमको सीमा पनि बढाएर १० लाख रुपैयाँ पुर्याइएको छ ।
