गरिमा विकास बैंक लिमिटेड र ओम डेभलपमेण्ट बैंक लिमिटेडबीच रेमिट्यान्स सम्झौता भएको छ । यी दुई बैंकबीच ओम डेभलपमेण्ट बैंकले “गरिमा रेमिट’’सञ्चालन गर्ने सम्बन्धमा सम्झौता भएको हो ।
गरिमा विकास बैंकको तर्फबाट प्रमुख कार्यकारी अधिकृत गोविन्द प्रसाद ढकाल र ओम डेभलपमेण्ट बैंकको तर्फबाट प्रमुख कार्यकारी अधिकृत विश्वमोहन अधिकारीले सम्झौतापत्रमा हस्ताक्षर गरे ।
यस सम्झौता पश्चात ओम डेभलपमेण्ट बैंकका ५२वटा शाखा कार्यालयबाट गरिमा रेमिटमार्फत रकम पठाउन, भूक्तानी गर्न तथा खातामा रकम जम्मा गर्न सकिने भएको छ ।
