बैंकिङ खबर । स्वाबलम्बन लघुवित्त वित्तीय संस्था लिमिटेडको प्रमुख कार्यकारी अधिकृत (सीईओ)मा भोजराज बस्याल नियुक्त भएका छन् । लघुवित्तको आइतबार (चैत्र १८ गते) बसेको संचालक समितिको २८४ औँ बैठकले बस्याललाई सीईओ नियुक्त गरेको हो । बस्याललाई सोमबार (चैत्र १९ गते)देखि लागू हुने गरी चार वर्षका लागि सीईओमा नियुक्त गरिएको हो ।
२४ वर्ष लामो लघुवित्त बैंकिङ क्षेत्रको अनुभव भएका बस्याल यसअघि निर्धन उत्थान बैंकमा नायब महाप्रबन्धक थिए । निर्धन उत्थान बैंकमा २३ वर्ष सात महिना बिताएर उनले स्वेच्छिक अवकाश लिएका थिए ।
