बैंकिङ खबर । सूर्या लाइफ इन्स्योरेन्स कम्पनी लिमिटेडले ४० प्रतिशत अर्थात १० बराबरको चारको अनुपातमा हकप्रद सेयर निष्काशन गर्ने अनुमति पाएको छ । नेपाल धितोपत्र बोर्डले कम्पनीलाई चैत्र १ गते स्वीकृति प्रदान गरेको हो । कम्पनीले गत पुष २४ गते हकप्रद निष्काशनको अनुमति माग गर्दै बोर्डमा निवेदन दिएको थियो ।
कम्पनीले एक सय रुपैयाँ अंकित मूल्यमा २८ करोड ८७ लाख ५० हजार रुपैयाँ बराबरको २८ लाख ८७ हजार पाँच सय कित्ता हकप्रद सेयर निष्काशन गर्नेछ । यसका लागि कम्पनीले सेयर निष्काशन तथा विक्री प्रबन्धकमा एनआईसी एशिया क्यापिटल लिमिटेडलाई नियुक्त गरेको छ ।
हाल सूर्या लाइफ इन्स्योरेन्सको चुक्तापुँजी ७२ करोड १८ लाख ७५ हजार एक सय रुपैयाँ रहेको छ । हकप्रद सेयर निष्काशन गरेपछि कम्पनीको चुक्तापुँजी एक अर्ब एक करोड छ लाख २५ हजार रुपैयाँ पुग्नेछ ।
