युनाइटेड इन्स्योरेन्स कम्पनीले चालू आर्थिक वर्षको तेस्रो त्रैमासमा खुद मुनाफा १८०.६६ प्रतिशतले बढाएको छ । गत आवको तेस्रो त्रैमासमा ८२ लाख रुपैयाँ मुनाफा कमाएको कम्पनिले चालू आवको सोही अवधिमा २ करोड ३२ लाख रुपैयाँँ आर्जन गरेको हो ।
जगेडाकोषमा १४ करोड ११ लाख रुपैयाँ र विमा कोषमा ८ करोड १२ लाख रुपैयाँ राखेको कम्पनीको आम्दानी १२३.४८ प्रतिशतले बढेर ४ करोड २६ लाख रुपैयाँ पुगेको छ भने खर्च ७९.५१ प्रतिशतले बढेर १ करोड ९३ लाख रुपैयाँ पुगेको छ । यस अवधिमा कम्पनिले विमाशुल्क (खुद) वापत २३ करोड ४९ लाख रुपैयाँ आर्जन गरेको छ । गत आर्थिक वर्षको सोहि अवधिमा विमा शूल्कवापत कम्पनीले १७ करोड ६५ लाख रुपैयाँ आर्जन गरेको थियो । त्यस्तै गत वर्ष ६ करोड ७ लाख रुपैयाँ दाबी भुक्तानी गरेको कम्पनिले यस वर्ष १० करोड ५४ लाख रुपैयाँ बराबरको दाबी भुक्तानी गरेको छ । ४६ हजार ३ सय ७६ वटा बीमालेख जारी गरेको कम्पनीले १ हजार ४ सय १९ वटा दाबी भुक्तानी गरेको छ ।
कम्पनीको प्रति शेयर आम्दानी ९.२४ प्रतिशत रहेको छ भने मुल्य आम्दानीको अनुपात ८९.८३ प्रतिशत रहेको छ । प्रति शेयर नेटवर्थ १९०.९२ प्रतिशत रहेको छ र तरलता अनुपात ३.०२ प्रतिशत रहेको छ ।
