बैंकिङ खबर । त्रिचन्द्र कलेज १०० बर्ष पुरा भएको नेपाल राष्ट्र बैंकले उपलक्ष्यमा विशेष सिक्का निष्काशन गर्ने भएको छ । मुलुककै पुरानो कलेज १०० बर्ष पुगेको उपलक्ष्यमा त्रिचन्द्र क्याम्पस प्रशासनले सिक्का निष्काशनका लागि अनुरोध गरेपछि राष्ट्र बैंकको सञ्चालक समितिले १०० र १००० रुपैयाँ दरका सिक्का छाप्ने निर्णय गरेको हो । दुबै सिक्का ३।३ हजार थान निष्काशन गरिने राष्ट्र बैंकले जनाएको छ ।
१०० रुपैयाँ दरका सिक्का क्याप्रिनिकल धातुको हुने छ भने १००० रुपैयाँ दरको चाँदीको हुने छ । सिक्कामा घण्टाघर र त्रिचन्द्र क्याम्पसको विल्डिङको प्रतिमा हुने छ । सिक्कामा निष्काशन भएको मिति २०७४ पनि उल्लेख हुने छ ।
