बैंकिङ खबर । भातृत्व विकास बचत तथा ऋण सहकारी संस्थाले १५ प्रतिशत लाभांश वितरण गर्ने गर्ने भएको छ । संस्थाको पौष २९ गते सम्पन्न आठौँ वार्षिक साधारणसभाले आफ्ना सेयर सदस्यहरुलाई १५ प्रतिशत लाभांश वितरण गर्ने प्रस्ताव पारित गरेको हो ।
साधारणसभामा संस्थाका लेखा संयोजक यज्ञ क्षेत्रीले लेखा समितिको प्रतिबेदन प्रस्तुत गरेका थिए भने अध्यक्ष जीत नारायण डंगोलले आर्थिक वर्ष २०७३।७४को आर्थिक प्रतिबेदन प्रस्तुत गरेका थिए । प्रतिबेदन अनुसार हाल संस्थाको सेयर पुजी ६० लाख ५२ हजार नौ सय ५२ रुपैयाँ रहेको छ भने बचत संकलन सात करोड सात लाख ३४ हजार सात सय ५२ रुपैयाँ ४८ पैसा रहेको छ । आर्थिक वर्ष २०७३।७४ मा संस्थाले १८ लाख ५८ हजार ८६ रुपैयाँ ६४ पैसा खुद मुनाफा आर्जन गरेको थियो ।
संस्थाले विभिन्न ब्यापार ब्यवसायको लागि ऋण लगानी गर्नुको साथै वातावरण प्रदुषण नियन्त्रण एवम् स्वोरोजगार प्रवर्द्धनको निमित्त सफा टेम्पोमा पनि लगानी गर्दै आएको छ ।
