राष्ट्रिय स्तरका तीन विकास बैंकमा रोजगारीको अवसर

२०७४ मंसिर १८ गते

बैंकिङ खबर । राष्ट्रिय स्तरका तीन वटा विकास बैंकहरुले कर्मचारी माग गरेका छन् । गरिमा विकास बैंक, कामना सेवा विकास बैंक र मुक्तिनाथ विकास बैंकले कर्मचारी माग गरेका हुन् ।

मुक्तिनाथले आफ्नो काठमाडौँस्थित केन्द्रीय कार्यालयका लागि एक जना चिफ फाइनान्सियल अफिसर तथा काठमाडौँ, पोखरा, विरगंज, बुटवल र नारायणघाटका लागि केही संख्यामा इन्टर्नल अडिट अफिसर माग गरेको छ । उक्त पदका लागि ६ डिसेम्बरभित्रमा एप्लाई गरिसक्नुपर्नेछ ।

एप्लाई गर्नका लागि तलको लिंकमा क्लिक गर्नुहोस् ।

https://docs.google.com/forms/d/e/1FAIpQLSeHTNFNju6uXZuMtdHrICX93LlHSCE6-VFlbq0U6-c-iGS6Kw/viewform

त्यस्तै, कामना सेवाले केही संख्यामा शाखा प्रबन्धक र एसिस्टेन्ट तथा सिनियर एसिस्टेन्ट पदमा कर्मचारी मागेको छ । मंसिर २२ गते अर्थात ८ डिसेम्बर भित्र एप्लाई गरिसक्न आह्वान गरिएको छ ।

गरिमाले झापा, मोरङ र सुनसरीमा खोल्न लागिएका शाखाहरुका लागि कर्मचारी माग गरेको छ । बैंकले अधिकृत र सहायक स्तरका कर्मचारी मागेको छ । अधिकृतका लागि स्नातक वा सोसरहको शैक्षिक योग्यताको साथमा दुई वर्षको अनुभव मागिएको छ भने सहायकका लागि प्लस दुई वा सोसरहको शैक्षिक योग्यताका साथमा दुई वर्षको अनुभव मागिएको छ । इच्छुक तथा योग्यता पुगेका नेपाली नागरिकलाई मंसिर २८ गतेभित्रमा दरखास्त दिइसक्न आह्वान गरिएको छ ।