बैंकिङ खबर । व्यवसायिक घराना चौधरी ग्रुपले गत आर्थिक वर्षमा राज्यलाई सात अर्ब ८८ करोड रुपैयाँ राजस्व तिरेको बताएको छ । एक विज्ञप्ति जारी गर्दै चौधरी ग्रुपले आर्थिक वर्ष २०७२/७३ को तुलनामा ४० प्रतिशत बढी राजस्व तिरेको जानकारी दिएको छ । आर्थिक वर्ष २०७२/७३ मा चौधरी ग्रुपले पाँच अर्ब ५९ करोड रुपैयाँ राजस्व तिरेको थियो । कुल राजस्वमा आर्थिक वर्ष २०७२/७३ मा १.४८ प्रतिशत र गत आर्थिक वर्षमा १.५९ प्रतिशत योगदान गरेकोे ग्रुप आन्तरिक राजस्व विभागले गर्ने सम्मानमा भने समेटिएको छैन ।
