बैंकिङ खबर । आगामी आइतबार पाँच अर्ब रुपैयाँको विकास ऋणपत्र विक्रीका लागि बोलकबोल हुने भएको छ । सात वर्षे अवधिको उक्त विकास ऋणपत्र खरिद गर्नका लागि बैंक तथा वित्तीय संस्था, गैर बैंक वित्तीय संस्था, बीमा कम्पनी, संगठित संस्था तथा नेपाली नागरिकले आइतबार दिउसो २ बजेभित्रमा अनलाइन विडिङ सिस्टममार्फत शिलबन्दी बोलपत्र पेश गर्नुपर्नेछ । २०८१ साल कात्तिक २० गते परिपक्व हुने उक्त ऋणपत्रको व्याजदर बोलकबोलको आधारमा तय गरिने बताइएको छ । हरेक छ महिनामा व्याज प्राप्त हुने यस ऋणपत्रलाई धितो राखेर कर्जा लिन र दिन समेत पाइनेछ । ऋणपत्र सोमबार(कात्तिक २० गते) निष्काशन गरिनेछ ।
