नेपाल राष्ट्र बैंकले साँढे पाँच अर्बको ट्रेजरी बिल विक्री गर्ने भएको छ । राष्ट्र बैंकले ट्रेजरी बिल खरिद गर्न इच्छुकलाई भोली (सोमबार) दिउसो ३ बजेभित्रमा बोलपत्र पेश गर्न आह्वान गरेको छ । बोलपत्र अनलाइन बिडिङ सिस्टममार्फत पेश गर्नुपर्नेछ ।
राष्ट्र बैंकले जारी गर्न लागेको यो ट्रेजरी बिल ९१ दिने अवधिको हो । मंगलबार (साउन १० गते) निष्काशन गरिने ट्रेजरी बिल कात्तिक ७ गते परिपक्व हुनेछ ।
