एसिया प्रशान्त क्षेत्रको वित्तिय विकाससम्बन्धि सम्मेलनमा गभर्नर

नेपाल राष्ट्र बैँकका गभर्नर डा. चिरञ्जिवी नेपाल एसिया प्रशान्त क्षेत्रको वित्तिय विकासम्बन्धि अन्तर्राष्ट्रिय सम्मेलनमा सहभागी हुँदैछन् । युनेक्याप र दक्षिण कोरियाली सरकारद्धारा आयोजित सो सम्मेलनमा भाग लिनका लागि उनी सोमबार नै कोरिया प्रस्थान गरेका थिए । सम्मेलनमा उनले वित्तिय समावेशिताको विषयमा प्रतिवेदन प्रस्तुत गर्ने कार्यक्रम रहेको राष्ट्र बैँक गभर्नरको कार्यालयले जनाएको छ । दुईदिने उक्त सम्मेलन बुधबारबाट सुरु भएको छ । कार्यक्रममा सहभागीता जनाएर डा. नेपाल चैत्र २० गते स्वदेश फर्कनेछन् ।