बैंकिङ खबर / आर्थिक क्षेत्रमा देशलाई अगाडि बढाउनका लागि यही सक्षम पात्रहरू आगामी प्रतिनिधि सभा निर्वाचनमा अघि सरेका छन्। जसमध्ये लामो समयदेखि बैंकिङ क्षेत्रमा सक्रिय हुनुका साथै लामो अनुभव हासिल गरेका भरतराज ढकाल स्याङ्जा जिल्ला क्षेत्र नम्बर १ बाट नेपाली कांग्रेसका तर्फबाट उम्मेदवारी छन्। नेपाललाई आधुनिक कृषिको विकास, ग्रामीण अर्थतन्त्रको विकास गर्नका लागि भरतराज ढकालको दक्षता र क्षमता अद्भुत देखिन्छ। उनले मुक्तिनाथ विकास बैंकमा प्रमुख कार्यकारी अधिकृत, अध्यक्ष एवं मुक्तिनाथ कृषि कम्पनीको नेतृत्वसमेत सम्हालिसकेका छन् । नेपालको विकास नहुनुका खास कारणहरू मध्यमा मुख्य कारण आर्थिक सबलीकरण गर्न नसक्नु हो ।
देशलाई आर्थिक सक्षम बनाउनका लागि समृद्ध बनाउनका लागि हरेक नागरिकको जीवनस्तर उठाउन जरुरी छ। त्यसका निम्ति अर्थतन्त्र बुझेका नेपालमा भएका सम्भावनाहरूलाई उद्यमशीलताका माध्यमबाट अगाडि बढाउन सक्ने सक्षम नेतृत्व नै आजको आवश्यकता हो। धेरैजसो राजनीति गर्ने नेता अग्रज या नयाँ पुस्ता अधिकांश बेरोजगार भएका कारणले राजनीतिमा प्रवेश गरेको देखिन्छ। अझ कतिपय त लहडमा सामान्य चर्चा पाएका आधारबाट चुनावमा होमिएका छन्। समाज र देशलाई समृद्ध बनाउनका लागि लहडमा भन्दा पनि क्षमता भएका, विकासमा अग्रगामी छलाङ मार्न सक्ने व्यक्तिहरू नेतृत्व तहमा पुग्न जरुरी छ।
भरत ढकाल व्यवसायिक कृषि, वित्तीय साक्षरता, वित्तीय चेतना अभिवृद्धिका समेत अभियन्ता हुन्। आर्थिक क्षेत्रमा सफल व्यक्तिका रूपमा परिचित ढकाल कडा मेहनत एवं कार्य कुशलताका पर्यायवाची मानिन्छन् । बैंकङ क्षेत्रमा दीर्घकालीन अनुभव भएका ढकाल विकास प्रेमी व्यक्तिका रुपमा परिचित छन्। उनको नेतृत्वमा स्याङ्जाबाट सुरु भएको मुक्तिनाथ विकास बैंक राष्ट्रिय स्तरको सफल विकास बैंकका रुपमा परिचित छ। देशलाई आर्थिक समृद्धि बनाउनका लागि नयाँ टेक्नोलोजी सहित व्यावसायिक कृषिलाई फोकस गर्नुपर्छ भन्ने मान्यताका साथ ढकालले कृषि आधुनिककरणको सुरुवात गरेका हुन्। यसै सिलसिलामा उनले मुक्तिनाथ कृषि कम्पनी सञ्चालनमा ल्याएका थिए। स्याङ्जा क्षेत्र नम्बर १ को विकास र समृद्धिका लागि ढकालको योगदान महत्वपूर्ण हुने ठानेर नेपाली कांग्रेसले उनलाई आसन्न निर्वाचनमा प्रतिनिधि सभाको उम्मेदवार बनाएको हो।
