बैंकिङ खबर/हालैका राजनीतिक घटनाक्रमका कारण शेयर बजारमा ठूलो अस्थिरता देखिने संकेत भएपछि नेपाल स्टक एक्सचेञ्ज (नेप्से) ले शेयर कारोबार अस्थायी रूपमा बन्द गर्ने निर्णय गरेको छ।
धितोपत्र सम्बन्धी ऐन, २०६३ को दफा ९० (१,घ) बमोजिम धितोपत्र बोर्डबाट स्वीकृति लिएर नेप्सेले असोज २ गतेसम्म बजार बन्द गर्ने निर्णय गरेको हो।
नेप्सेका अनुसार बजारमा अस्थिरता र अनिश्चिततालाई ध्यानमा राख्दै लगानीकर्ताको सुरक्षाका लागि यो कदम उठाइएको हो। यस अवधिमा कुनै पनि शेयर कारोबार हुने छैन।
