बैंकिङ खबर/ बेलायतका बैंकहरू पछिल्ला डेढ वर्षयता वित्तीय अपराधसम्बन्धी कमजोरीका कारण £२५० मिलियनभन्दा बढी जरिवाना भोगिसकेका छन्। नियम नियामक निकाय Financial Conduct Authority (FCA) ले अझ कडाइ गर्ने संकेत दिँदै आएको छ।
FCA को वेबसाइटमा सार्वजनिक विवरण अनुसार सन् २०२४ को सुरु देखिका मात्र कूल £२५१.४ मिलियन बराबरको जरिवाना बैंकहरूलाई लगाइसकिएको छ। यद्यपि, यसमा गत साता मात्र बार्कलेज बैंकलाई गरिएको £४२ मिलियनको जरिवाना समावेश छैन।
८२ प्रतिशत बैंक नयाँ ग्राहकमा आधारभूत जाँच नगर्ने
बेलायतका ८२ प्रतिशत बैंकले नयाँ ग्राहक भर्ना गर्दा आधारभूत पहिचान जाँच नगर्ने गरेका छन्। यस्तै, मात्र ६ प्रतिशत बैंकले पुराना ग्राहकहरूमा दैनिक निगरानी गर्ने गरेका छन्, जुन प्रत्येक दिन अपडेट हुने प्रतिबन्ध सूची र लाल झन्डा संकेतहरू को सन्दर्भमा निकै चिन्ताजनक मानिएको छ।
अनिवार्य निगरानी र प्रणालीको अभाव
स्मार्ट सर्चका प्रमुख कार्यकारी फिल कोटर भन्छन्, “हाम्रो अध्ययन अनुसार यो समस्या प्रणालीगत छ। अधिकांश बैंकहरूले अझैसम्म प्रभावकारी प्रणाली स्थापना गर्न सकेका छैनन्। यस्तो अवस्थामा धोखाधडी तथा पैसा शुद्धीकरण स्क्यान्डल हुनैपर्ने थियो । र फेरि पनि हुन सक्छ।”
Signature Litigation का बैङ्किङ कानुनी विशेषज्ञ अब्दुलाली जिवाजी भन्छन्, “FCA ले कारबाही गर्ने प्रक्रिया निरन्तर राख्नेछ। कुनै पनि छुट हुनेछैन।”
Monzo र Barclays लाई ठूला जरिवाना
बार्कलेजको £४२ मिलियनको जरिवानाको केही दिनअगाडि Monzo बैंकलाई पनि £२१ मिलियन जरिवाना गरिएको थियो। FCA ले उक्त च्यालेन्जर बैंक का प्रणालीहरूले ग्राहक र सेवा विस्तारसँगै पर्याप्त सुधार गर्न नसकेको टिप्पणी दिएको छ।
FCA की कार्यकारी निर्देशक थेरिज चेम्बर्स भन्छिन्, “बैंकहरू वित्तीय अपराधविरुद्धको साझा लडाइँमा प्रमुख रक्षा पंक्ति हुन्। उनीहरूसँग यस्ता कारोबार रोक्न आवश्यक प्रणाली हुनु जरुरी छ। Monzo यस मापदण्डभन्दा निकै तल रह्यो।”
FCA को कारबाही कमजोर?
यद्यपि हालैको केही सक्रियता देखिए पनि विज्ञहरूका अनुसार FCA अझ बढी गर्न सक्थ्यो। २०१६–२०२४ बीच FCA ले वार्षिक औसत £२३५ मिलियन जरिवाना लगायो। तर २०१३–२०१५ को तीन वर्षमा मात्रै उसले £२.८ अर्ब जरिवाना लगाएको थियो, जुन पछिल्ला ९ वर्षको जम्मा जरिवानाभन्दा बढी हो।
