बैंकिङ खबर/ मन्त्रिपरिषद्को बैठक अघि प्रधानमन्त्री केपी शर्मा ओलीले नेपाली कांग्रेस सभापति शेरबहादुर देउवासँग भेट गर्दैछन् । प्रधानमन्त्री निवास बालुवाटारमा आजै साँझ ६ बजे बस्ने मन्त्रिपरिषद्को बैठक अगाडि ओलीले देउवासँग भेट गर्न लागेका हुन् ।
नेपाल राष्ट्र बैंकको गभर्नर नियुक्तिमा ढिलाइ भइरहेका बेला आजै प्रधानमन्त्री ओली र देउवाबीच हुन लागेको भेटलाई अर्थपूर्ण रूपमा हेरिएको छ । सिफारिस समितिको बैठकले सिफारिस गरेपछि मात्रै मन्त्रिपरिषद्ले गभर्नर नियुक्ति गर्नुपर्ने हुन्छ । प्रधानमन्त्री र देउवा छिट्टै गभर्नर नियुक्ति गर्ने तयारीमा छन् ।
