बैंकिङ खबर/पहिलो त्रैमाससम्म १६ विकास बैंकहरूले ४ खर्ब ७० अर्ब ३८ करोड ६९ लाख रुपैयाँभन्दा बढी कर्जा प्रवाह गरेका छन् । यो गत वर्षको सोही अवधिसम्मको तुलनामा १ दशमलव १२ प्रतिशत बढी हो । गत वर्ष यस अवधिसम्म यी बैंकहरूले आफ्ना ग्राहकहरूमा ४ खर्ब ६५ अर्ब १६ करोड रुपैयाँभन्दा बढी कर्जा प्रवाह गरेको तथ्याङ्क सार्वजनिक गरेका छन् ।
पहिलो त्रैमाससम्ममा सर्वाधिक कर्जा प्रवाह गर्ने (रकमका आधारमा)मा मुक्तिनाथ विकास बैंक छ । गत वर्षको पहिलो त्रैमाससम्ममा ९२ अर्ब १७ लाख रुपैयाँभन्दा बढी कर्जा प्रवाह गरेको मुक्तिनाथ विकास बैंकले यस वर्ष सोही अवधिसम्म ९४ अर्ब ७२ करोड ९ लाख रुपैयाँभन्दा बढी कर्जा प्रवाह गरेको हो ।
मुक्तिनाथ विकास बैंकले गत वर्षभन्दा यस वर्ष २ दशमलव ९६ प्रतिशतले कर्जा प्रवाह बढाएको छ । मुक्तिनाथ विकास बैंकपछि गरिमा विकास बैंकले बढी कर्जा प्रवाह गरेको छ । गत वर्षको पहिलो त्रैमाससम्म ६६ अर्ब १ करोड रुपैयाँभन्दा बढी कर्जा प्रवाह गरेको गरिमा विकास बैंकले यस वर्षको सोही अवधिसम्म ६४ अर्ब ४१ करोड रुपैयाँभन्दा बढी कर्जा प्रवाह गरेको हो ।
पहिलो त्रैमाससम्ममा सर्वाधिक कर्जा प्रवाह वृद्धि गर्नेमा कर्णाली डेभलपमेन्ट बैंक छ । गत वर्षभन्दा यस वर्ष कर्णाली डेभलपमेन्ट बैंकले ११ दशमलव ६२ प्रतिशत बढी कर्जा प्रवाह गरेको हो । गत वर्षको पहिलो त्रैमाससम्ममा ३ अर्ब ४१ करोड रुपैयाँभन्दा बढी कर्जा प्रवाह गरेको कर्णाली विकास बैंकले यस वर्षको सोही अवधिसम्ममा ३ अर्ब ८१ करोड रुपैयाँभन्दा बढी कर्जा प्रवाह गरेको हो ।
त्यस्तै, सप्तकोशी डेभलपमेन्ट बैंकले यस वर्ष ११ दशमलव ३० प्रतिशत बढी कर्जा प्रवाह गरेको छ । गत वर्षको पहिलो त्रैमाससम्म ४ अर्ब ८ करोड रुपैयाँभन्दा बढी कर्जा प्रवाह गरेको सप्तकोशी डेभलपमेन्ट बैंकले यस वर्षको सोही अवधिसम्म ४ अर्ब ५५ करोड रुपैयाँभन्दा बढी कर्जा प्रवाह गरेको हो ।
यस वर्ष पाँच कम्पनीको कर्जा प्रवाह गत वर्षको तुलनामा कम भएको छ, जसमा सिन्धु विकास बैंकको सर्वाधिक १७ दशमलव ५४ प्रतिशत घटेको छ । यस्तै, नारायणी डेभलपमेन्ट बैंकको ३ दशमलव ५२ प्रतिशत, गरिमा विकास बैंकको २ दशमलव ४२ प्रतिशत, मितेरी डेमलपमेन्ट बैंकको शून्य दशमलव ९६ प्रतिशत र एक्सेल डेभलपमेन्ट बैंकको शून्य दशमलव ५६ प्रतिशत कर्जा प्रवाह घटेको छ ।
सिन्धु विकास बैंकले गत वर्षको पहिलो त्रैमाससम्ममा ३ अर्ब ६३ करोड रुपैयाँभन्दा बढी कर्जा प्रवाह गरेकोमा यस वर्षको सोही अवधिमा २ अर्ब ९९ करोड रुपैयाँभन्दा बढी मात्र यो कर्जा प्रवाह गरेको हो ।
कुन बैंकले कति प्रवाह गरे कर्जा ?
| बैंकको नाम | यस आवको पहिलो त्रैमाससम्म रू. हजारमा | गत आवको पहिलो त्रैमाससम्म रू. हजारमा | फरक प्रतिशत |
| मुक्तिनाथ विकास बैंक | 94,720,977 | 92,001,762 | 2.96 |
| गरिमा विकास बैंक | 64,417,292 | 66,012,140 | -2.42 |
| शाइन रेसुङ्गा डेभलपमेन्ट | 53,738,864 | 52,170,668 | 3.01 |
| नारायणी डेभलपमेन्ट बैंक | 47,446,626 | 49,179,498 | -3.52 |
| कामना सेवा विकास बैंक | 47,406,711 | 45,979,607 | 3.1 |
| लुम्बिनी विकास बैंक | 46,787,004 | 46,328,004 | 0.99 |
| सांग्रिला डेभलपमेन्ट बैंक | 43,474,705 | 41,964,215 | 3.6 |
| महालक्ष्मी विकास बैंक | 40,936,502 | 40,433,740 | 1.24 |
| एक्सेल डेभलपमेन्ट बैंक | 10,770,087 | 10,830,867 | -0.56 |
| सप्तकोशी डेभलपमेन्ट बैंक | 4,550,893 | 4,088,680 | 11.3 |
| ग्रीन डेभलपमेन्ट बैंक | 4,100,097 | 3,945,861 | 3.91 |
| कर्णाली डेभलपमेन्ट बैंक | 3,815,597 | 3,418,317 | 11.62 |
| मितेरी डेभलपमेन्ट बैंक | 3,602,491 | 3,637,475 | -0.96 |
| सिन्धु विकास बैंक | 2,997,911 | 3,635,747 | -17.54 |
| कर्पोरेट डेभलपमेन्ट बैंक | 1,332,090 | 1,263,179 | 5.46 |
| नारायणी डेभलपमेन्ट बैंक | 289,132 | 275,856 | 4.81 |
| जम्मा | 470,386,979 | 465,165,61 |
