बैंकिङ खबर/ चालु आर्थिक वर्षको ११ महिना (साउन–जेठ) सम्म राष्ट्रिस्तरका ८ वटा विकास बैंकले ४ अर्ब ८३ करोड २२ लाख रुपैयाँ नाफा आर्जन गरेका छन्।
यो ११ महिनामा सर्वाधिक नाफा कमाउने मुक्तिनाथ रहेको छ। यो बैंकले १ अर्ब १६ करोड ९४ लाख रुपैयाँ नाफा आर्जन गरेको छ। सर्वाधिक नाफा कमाउने दोस्रो विकास बैंकमा गरिमा रहेको छ। गरिमाले ८५ करोड ७४ लाख रुपैयाँ नाफा कमाएको छ।
तेस्रोमा शाइन रेसुंगा रहेको छ। यो बैंकले ६७ करोड ७९ लाख रुपैयाँ नाफा आर्जन गरेको छ। यसैगरी महालक्ष्मीले ५५ करोड ४७ लाख रुपैयाँ, कामना सेवाले ४८ करोड ९२ लाख रुपैयाँ, लुम्बिनीले ४२ करोड ३ लाख रुपैयाँ, सांग्रिलाले ३५ करोड ३५ लाख रुपैयाँ र ज्योतिले ३० करोड ९३ लाख रुपैयाँ नाफा आर्जन गरेको छ।
