बैंकिङ खबर/ अर्थ मन्त्रालयका सचिव मधुकुमार मरासिनीले सरकारले बैंकहरुमा थुप्रिएको ६ खर्ब लगानीयोग्य रकमलाई बजारमा लैजान सहजीकरण गर्ने बताएका छन् ।
काठमाडौंमा आयोजित कार्यक्रममा बोल्दै उनले आर्थिक नीतिमा कहाँ कति सुधार गर्नुपर्ने हो त्यसअनुसार गर्ने उल्लेख गरे ।
अर्थमन्त्रालयले बैंकमा भएको ६ अर्ब लगानीयोग्य रकमलाई निकास गर्न आर्थिक नीतिमार्फत सहज गर्न कुनै पनि कसर बाँकी नराख्ने उनको भनाइ छ ।
आगामी मौद्रिक नीति पनि अर्थतन्त्रलाई चलायमान बनाउने खालको आउनेमा आफू विश्वस्त रहेको बताउँदै अर्थसचिव मरासिनीले सरकारले पारदर्शी रूपमा नै बजारलाई चलायमान बनाउने बताए ।
उनले अर्थतन्त्र चलायमान बनाउनको लागि बजेटबाट केही नीति अघि बढाइएको र त्यस्ता नीतिलाई सहयोग पुग्ने गरी मौद्रिक नीति आउने बताए । मौद्रिक नीति पूर्वको छलफल कार्यक्रममा सचिव मरासिनीले व्यवसायिक वातावरण निर्माण गर्न स्थिर तथा अनुमान योग्य कर नीति आवश्यक रहेको महसुस गरेको उनले बताए । आफूहरू त्यसमा केन्द्रित भएको उनको भनाई छ ।




