बैंकिङ खबर/बैंकर संघका पूर्वअध्यक्ष भुवन दहालले अहिले निजी क्षेत्रको मनोबल कमजोर भएका कारण कर्जा प्रवाह हुन नसकेको बताएका छन् ।
नेपाल आर्थिक पत्रकार समाज (सेजन) ले आयोजना गरेको प्रि मनिटरी पोलिसी डिसकसन कार्यक्रममा दहालले पूर्वाधार तयार रहेको भए पनि मनोबलका कारण समस्या देखिएको बताए । मनोबल बढाउने नीति लिन राष्ट्र बैंकलाई उनले सुझाव दिए ।
बैंकप्रति जनताको मनोबल बढाउन राष्ट्र बैंकको महत्त्वपूर्ण भूमिका हुने उनले बताए । अहिले बैंकमा गैह्र बैंकिङ सम्पत्ति बढ्दा यसको प्रेसर बैंकमा बढ्दै जाने दहालले बताए । बैकिङ कसुर तथा सजाय ऐनमा कारण बैंकरले काम गर्न नसकेको उनको भनाइ छ ।
