कञ्चन डेभलपमेण्ट बैंकले ५० प्रतिशत हकप्रद निष्काशनका लागि नेपाल धितोपत्र बोर्डबाट स्वीकृति पाएको छ । बैंकले एक सय रुपैंया अंकित दरमा ९ लाख ९० हजार कित्ता हकप्रद निष्काशन गर्न लागेको हो ।
कञ्चनपुरमा मुख्य कार्यालय रहेको तीन जिल्ले कञ्चनले २५ प्रतिशत बोनस र १ दशमलव ३२ प्रतिशत नगद लाभांस वितरणको प्रस्ताव नेपाल राष्ट्र बैंकमा पठाएको छ । राष्ट्र बैंकबाट उक्त प्रस्ताव स्वीकृत भए पछि बैंकले साधारण सभा आह्वान गर्नेछ । हाल बैंकको चुक्तापुँजी १९ करोड ८० लाख रुपैंया रहेको छ । बोनस र हकप्रद जारी गरेपछि बैंकको चुक्ता पूँजी २४ करोड ६५ लाख रुपैंया पुग्नेछ ।
