प्रिमियर इन्स्योरेन्स कम्पनी (नेपाल) लिमिटेडले चालू आर्थिक वर्षको पहिलो त्रैमासमा २ करोड ४ लाख रुपैयाँ खुद मुनाफा आर्जन गरेको छ । कम्पनीले गत आर्थिक वर्षको सोही अवधिको तुलनामा ६८ लाख ८१ हजार रुपैयाँ बढी नाफा कमाएको हो । गत आर्थिक वर्षको पहिलो त्रैमासमा प्रिमियरले १ करोड ३५ लाख रुपैयाँ नाफा कमाएको थियो ।
३७ करोड ३७ लाख रुपैयाँ चुक्ता पुँजी भएको कम्पनीको आम्दानी ५२ दशमलव १७ प्रतिशतले बढेर ३ करोड ५७ लाख रुपैयाँ पुगेको छ भने खर्च ५० प्रतिशतले बढेर १ करोड ५३ लाख रुपैयाँ पुगेको छ । प्रिमियर इन्स्योरेन्सले ३४ करोड ३६ लाख रुपैयाँ बराबरको कुल बीमा शुल्क आर्जन गरेको छ । त्यस्तै कुल ३८ करोड ७९ लाख रुपैयाँ बराबरको दाबी भुक्तानी गरेको छ ।
कम्पनीले जगेडा कोषमा १२ करोड ३२ लाख र बीमा कोषमा २४ करोड ९२ लाख रुपैयाँ राखेको छ । यस इन्स्योरेन्सको प्रति शेयर आम्दानी वार्षिक १९ दशमलव ८३ रुपैयाँ, मुल्य आम्दानी अनुपात १ सय १६ दशमलव २२ गुणा, प्रति शेयर नेटवर्थ २ सय ४ दशमलव ७७ रुपैयाँ रहेको छ ।
