बैंकिङ खबर/ काभ्रेपलाञ्चोकको पनौतीस्थित सामुदायिक सहकारी संस्थाबाट रु. ३३ लाख चोरी गरी फरार रहेका मकवानपुरका दुई जनालाई प्रहरीले सोमबार पक्राउ गरेको छ ।
पक्राउ पर्नेमा मकवानपुरको इन्द्रसरोवर–५ बस्ने ३० वर्षीय अशोक रुम्बा र ३५ वर्षीय अकवर लामा रहेका मकवानपुरका प्रहरी प्रवक्ता टेकबहादुर कार्कीले बताए ।
गत वैशाख १७ गते सहकारीबाट सो रकम चोरी गरी फरार रहेका उनीहरुलाई मकवानपुरको इन्द्रसरोवर गाउँपालिकाबाट विशेष सूचनाका आधारमा नियन्त्रणमा लिइएको प्रहरीले जनाएको हो ।
उनीहरुको साथबाट नगद पाँच लाख ४५ हजार, एक नाले भरुवा बन्दुक र रडसमेत बरामद गरिएको कार्कीले बताए । उनीहरुलाई जिल्ला प्रहरी कार्यलय काभ्रेमा पठाइएको प्रवक्ता कार्कीले जानकारी दिए ।
