बैंकिङ खबर/ कुनै पनि बैंक तथा वित्तीय संस्थाले ग्राहकको अनुमतिविना वित्तीय सेवा उपलब्ध गराएर शुल्क लिए क्षतिपुर्ती तिर्नुपर्ने व्यवस्था रहेको छ ।
बैंक तथा वित्तीय संस्थाले एकतर्फी रूपमा कुनै प्रकारको वित्तीय सेवा उपलब्ध गराई सोबापत शुल्क लिन नपाइने व्यवस्था छ ।
केन्द्रीय बैंकका अनुसार ग्राहकको अनुमतिविना उपलब्ध गराइएका सेवाबापत कुनै शुल्क लिएमा १० प्रतिशत थप गरी ग्राहकको खातामा जम्मा गर्नुपर्ने व्यवस्था रहेको छ ।
राष्ट्र बैंकले सेवाग्राहीले माग नगरेको सेवाबापत बैंक तथा वित्तीय संस्थाले कुनै शुल्क लिएको भएमा उक्त संस्थाको वेबसाइटमा उपलब्ध गराइएको गुनासो सुन्ने अधिकारीसमक्ष गुनासो दर्ता आग्रह गरेको छ ।
