लगानी योग्य पुँजी (तरलता) कम हुँदै गएको भन्दै बाणिज्य बैंकहरुले ऋणको ब्याज दर बढाउने निर्णय गरेका छन् । बैंकहरुले भोली (सोमबार) बाट ०.५ प्रतिशत बिन्दुदेखि डेढ प्रतिशत बिन्दुसम्म ब्याज दर बढाउने भएका हुन् । बैंकहरुले बैंकहरुले तरलता अभाव हुन थालेपछि निक्षेपको ब्याज दर बढाइएको भन्दै अब ऋणको पनि बढाउन लागेको जानकारी दिएका छन् । हाल ब्यापारिक तथा व्यवसायिक प्रकृतिका ऋणको मात्रै ब्याज दर वढाउन लागेको बैंकरहरुले बताएका छन् । घर तथा गाडि कर्जाको ब्याज दर भने तत्काल नबढ्ने बताइएको छ ।
