बीमा कम्पनी र लघुवित्त बिकास बैंकहरुको साझेदारीमा लघुबीमा कार्यक्रम सञ्चालन हुने भएको छ । नेपाल बीमक संघ र नेपाल माइक्रो फाइनान्स बैंकर्स एशोसिएशनका पदाधिकारीले लघुबीमा कार्यक्रम सञ्चालन गर्नेसम्बन्धि सम्झौतामा हस्ताक्षर गरेका छन् । सक्षम एक्सेस टु फाइनान्सको सहजीकरणमा उक्त कार्यक्रम सञ्चालन गर्न लागिएको बताइएको छ ।
एक लाख रुपैयाँसम्म कुल बीमांक हुने गरि प्रडक्ट बनाइने योजना रहेको छ । त्यस्तै, किसानले बार्षिक एक हजार देखि १३ सय रुपैयाँ बीमा शुल्क तरे पुग्ने गरि व्यवस्था मिलाइने भएको छ । पहिलो चरणमा निर्जीवन बीमा कम्पनीहरु मार्फत् कार्यक्रम सञ्चालन गरिने भएपनि क्रमशः जीवन बीमा कम्पनीलाई पनि सहभागी गराइँदै जाने बताइएको छ ।
कार्यक्रमले किसानको सम्पत्ती, कर्जाको समेत सुरक्षण गर्ने गरि मोडालिटी तयार गरिने उल्लेख गरिएको छ । हाल व्यवसायको ८० प्रतिशत बीमा बैंकहरुको कर्जा लगानीको आधारमा भइरहेकोमा यो कार्यक्रमको सञ्चालन पछि विपन्न समुदायले पनि आफ्नो व्यवसायको बीमा गर्न पाउँने अवस्था आउने अपेक्षा गरिएको छ ।
