बैंकिङ खबर/ नेकपा एकीकृत समाजवादी पार्टीले आगामी मंसिरमा हुने प्रतिनिधि तथा प्रदेश सभा निर्वाचनका लागि आफ्नो घोषणा पत्र सार्वजनिक गरेको छ । घोषणा पत्रमा सरकारी कार्यालयहरूमा सम्पूर्ण आर्थिक कारोबारलाई नगदरहित भुक्तानी प्रणालीमा आबद्ध गर्ने उल्लेख गरेको छ ।
‘सेवाग्राहीले चाहे अनलाइनमार्फत उजुरी वा गुनासोसम्बन्धी निवेदन दिने र सार्वजनिक खरिद र निर्माण सम्बन्धी सम्पूर्ण काम अनलाइनमार्फत गर्ने व्यवस्था मिलाउन पहल गरिने छ’ घोषणा पत्रमा उल्लेख छ ।
यस्तै नेकपा एसले ‘प्रशासनिक, साधारण खर्च घटाऔँ, विकास खर्च बढाऔँ’ भन्ने नारा दिँदै फजुल खर्च नियन्त्रण गरी प्रशासनिक खर्च कम गर्ने र पूँजीगत खर्च बढाउन पहल गरिने दाबी गरेको छ ।
