बैंकिङ खबर/ नेपाल राष्ट्र बैंकले एक हजार दरका ४३ करोड थान नोट छाप्ने भएको छ । केन्द्रीय बैंकले नोट छपाइका लागि अन्तर्राष्ट्रिय बोलपत्र टेन्डर आह्वान गरेको छ । राष्ट्र बैंकले चार खर्ब ३० अर्ब रुपैयाँ नोट छपाइका इच्छुक कम्पनीले डिजाइन, प्रिन्ट र वितरणको प्रस्ताव बैंकमा ३० दिनभित्र पेस गर्न आह्वान गरेको छ ।
बैंकले यी नोट आगामी तीन वर्षका लागि पुग्ने गरी छाप्न लागेको हो । तीन वर्षअघि मात्रै बैंकले ४० करोड थान नोट छापेको थियो ।
नेपाली नोटहरूको छपाइको जिम्मा प्रायः चिनियाँ कम्पनीले हात पार्दै आएको छ । यसअघि चिनियाँ कम्पनी चाइना प्रिन्टिङ एन्ड मिन्टिङ कम्पनीले ५ र १० रुपैयाँका नोट छाप्ने ठेक्का पाएको थियो ।
