बैंकिङ खबर/ सरिता तिम्मल्सिना भट्टराईले राष्ट्रिय सहकारी बैंकको संचालक पदबाट राजीनामा दिनुभएको छ । सूर्यविनायक नगरपालिको उपमेयरमा निर्वाचित भएपछि उहाँले राजीनामा दिनुभएको हो ।
सहकारी ऐन तथा नियमावलीको व्यवस्था र संघिय सहकारी विभागले जारी गरेको निर्देशन अनुसार सार्वजनिक पदमा भएको व्यक्ति सहकारी संघसंस्थाको संचालक बस्न नपाउने व्यवस्था रहेकाले भट्टराईले राजीनामा दिनुभएको हो ।
भट्टराईले बैंक संचालक समितिसमक्ष बैशाख ११ गते दिएको राजीनामालाई शुक्रबार बसेको संचालक समितिको बैठकले स्वीकृत गरेको अध्यक्ष केबी उप्रेतीले जानकारी दिनुभयो ।
