कोच महिला नै हो पुरुष होइन। महिलाहरूलाई उनीहरूको अभ्यास गर्न अनुमति दिनुहोस्,” खेलकुद क्लबका प्रमुख हफिजुल्लाह अबासीले भनेका छ्न। “तालिबान सत्तामा आएदेखि, मलाई व्यायाम गर्न दिइएन। मैले धेरै खेलकुद क्लबहरूलाई प्रशिक्षणको लागि रेफर गरें। तर, दुर्भाग्यवश, उनीहरूले भने कि महिला खण्ड बन्द छ,” तेक्वान्दो र पर्वतारोहण खेलकुदका प्रशिक्षक ताहिरा सुल्तानीले भने। उनले विगत आठ वर्षमा राष्ट्रिय स्तरका साथै विदेशमा पनि अवार्ड जितिसकेकी छिन् ।
“मसँग विगत छ वर्षमा धेरै चाहना र महत्वाकांक्षा थिए। म अफगानिस्तानको झण्डा संसारमा गर्वले फहराउन चाहन्थें,” राष्ट्रिय जुजुत्सु टोलीका सदस्य अरिजो अहमदीले भनिन। वर्तमान सरकारले खेलकुदमा महिलालाई प्रतिबन्ध लगाएपछि अन्तर्राष्ट्रिय मानवीय संस्थाहरूबाटआलोचना खेप्नुपरेको छ।
ह्युमन राइट्स वाचका अनुसार महिलासंग सम्बन्धित धेरै रिपोर्टहरू आएका छन्, जसमा तालिबानले महिला खेलकुदमा प्रतिबन्ध लगाएको छ, तालिबान नियमहरूका कारण महिलाहरूलाई आवश्यक पर्ने स्वास्थ्य सेवामा महिलाको पहुँच सीमित छ र महिलाहरुको लागि अन्तर्राष्ट्रिय सहायता निलम्बन गरिएको छ।
